மண்வளம் காக்க அழிக்க வேண்டிய களைச்செடிகள்:

மண்வளம் காக்க அழிக்க வேண்டிய களைச்செடிகள்:

(i)வேலிகாத்தான் கருவேலம்/சீமைக் கருவேலம்:

1. மரங்களின் இலை, காய், விதை போன்றவை எந்த உயிரினத்திற்கும் பயன்படாதவை. 

2. வேர் நிலத்தடி நீரை விஷமாக மாற்றும் தன்மை கொண்டது. 

3. வெப்பத்தைக் மட்டுமே கக்கும் தன்மைக் கொண்டது.

4. ஆக்சிஜனை மிக குறைந்த அளவே உற்பத்தி செய்கிறது. அதே நேரத்தில் கரியமிலவாயுவை அதிக அளவில் உற்பத்தி செய்து விடுகிறது.இதனால் சுற்றுப்புற காற்று மண்டலம் நச்சு தன்மைக்கு மாறுகிறது.

5. நிழலில் கட்டிவைக்கப்படும் கால்நடைகள் "மலடாக' மாறும் என்பது சமீபத்திய கண்டுபிடிப்பு!

6. முளைத்துள்ள பகுதியில் வேறு செடிகள் வளமையோடு வளரமுடியாது. 

7. வெட்டினால் மட்டும் அழித்துவிடாது,வேரோடு அழிக்கவேண்டும்.

8. இதில் எந்த பறவையும் கூடுகட்டுவது இல்லை.

9. மரத்தைச் சுற்றி தழுவி வரும் காற்றில் உள்ள ஈரப்பதத்தையும் உறிஞ்சிவிடுகின்றன. 

10. முட்கள் விஷ‌த்த‌ன்மை கொண்ட‌வை.

மாற்றுப் பெயர்கள்

தமிழ் நாட்டில் காட்டுக்கருவேல் மரம், சீமை உடை, சீமைக்கருவை, வேளிக்கருவை, டெல்லி முள், முட்செடி என அழைக்கப்படுகின்றது. தமிழ் நாட்டில் இயற்கையாக வளரும் கருவேலமரத்தையும் (Acacia nilotica) ஒத்து இருப்பதால் இவை கருவமரம் என அழைக்கப்படுதலும் உண்டு. ஆனால் அடிப்படையில் இவை இரண்டும் வெவ்வேறு மரங்களாகும்.

பாதிப்புகள்

வறட்சி காலங்களில் நிலத்தடி நீரை இம்மரம் உறிஞ்சிவிடுவதால் மற்ற தாவரங்களுக்கு போதிய நீர் கிடைப்பதில்லை. இவை நிலத்தில் பிற செடிகள் வளர்ப்பைத் தடுக்கிறது. நிழல் மரமாகவோ, கனி மரமாகவோ, கதவு சன்னல் என்று பயன்பாட்டிற்குரிய பொருள்களைச் செய்வதற்கோ எவ்வளவு பசுமையான தழையாக இருந்தாலும் அடியுரமாக இடுவதற்கோ, குறைந்தபட்சம் பறவைகள் அமர்ந்து கூடு கட்டுவதற்குக்கூட வேலிக்காத்தான் பயன்படுவதில்லை. இவைகளால் ஏற்படும் பாதிப்பு அளவிட முடியாதது.

பல்லாயிரம் பறவைகளின் சரணாலயமாகத் திகழும் வேடந்தாங்கல் ஏரியில் செழித்து வளர்ந்த வேலிக்காத்தான், பருவ காலத்திற்கு வந்து அந்த ஏரியில் நீந்த முனைந்த வெளிநாட்டுப் பறவைகளையெல்லாம் குத்திக் கிழித்துக் கொன்று, பின்பு வனத்துறையின் முயற்சியால் அந்த மரங்கள் பிடுங்கி எறியப்பட்டுள்ளன. தாவரம் முழுமையுமே நஞ்சாக உள்ளது.

தீமையின் பட்டியல்கள்

விவசாயம் மற்றும் ஏனைய செடிகள் தழைக்கா வண்ணம் நிலத்தை வீணடிக்கிறது. அடர்ந்து வளர்ந்து பெரும் பகுதியே ஆக்கிரமிப்பு செய்துவிடக்கூடியது நஞ்சு மிகுந்த முட்கள் விலங்குகளுக்கும் மாந்தர்களுக்கும் ஆபத்தை ஏற்படுத்துபவை. புல்களை அடியோடு வளரவிடாமல் கால்நடைகளுக்கு பாதிப்பேற்படுத்துகிறது. நிலத்தடி நீரைக்குறைப்பதால் சில அரிய மூலிகைகளின் இழப்பு இவைகளின் வீரியத்தால் பிறத்தாவரங்களுடன் கலந்து உட்கொள்ளும் கால்நடைகள் உயிரிழப்பு மற்றும் வயிறு கோளாறுகள் அடைகின்றன. இதைப்போல் இதன் பட்டியல் நீண்டுக்கொண்டே செல்கின்றன. இறுதியில் விளைநிலங்கள் பாலைவனங்கள் ஆகின்றன.

அழிக்கும்முறை

இயந்திரங்களைக் கொண்டும், மரங்களை வெட்டி வீழ்த்துவதின் மூலமும் அழிக்கலாம். மேலும், இதை வெட்டியபிறகு அவ்வேர்களை எரித்துவிடுவதே நிறந்தரத் தடுப்புக்கு வழி.

மாற்றுவழி

இதன் விறகுகள் அதிக ஆற்றல் கொண்டவை என அறியப்பட்டுள்ளது. இவைகள் மின்சார உற்பத்தியில் பயன்படுத்தப்படுகிறது. ஆனால் இவை வளர்க்க வேண்டிய இடம் பாலைவனம், விளைநிலமல்ல.

(ii)பார்த்தீனியம்:

தீமைகள்

இவற்றால் நன்மைகளை விட தீமையே அதிகம். காரணம். அந்நிய நாட்டில் எந்தவொரு தாவரமும் களைதான். உதாரணம் ஆசுதிரேலியாவில் 70% அதிகமாக அந்நிய செடிகள் ஆக்கிரமித்துள்ளதாகவும் அதைத் தடுக்க அந்நாடு வெளிநாடுகளிலிருந்து செடிகளை இறக்குவதில் தடை விதித்துள்ளது. அதேபோல் இத்தாவரமும் நாடு முழுவதும் பரவியிருக்கின்றன. இவை தமிழகத்தில் அனைத்து ஊர்களிலும் பரந்து கிடக்கின்றன. இவை வெளியிடும் மகரந்தம் மற்றும் வித்துக்கள் விலங்குகள் மற்றும் மனிதர்களுக்கு சுவாசக்கோலாறுகளையும் ஒவ்வாவையும் ஏற்படுத்துகின்றன.

நோய்கள்

இவை சருமநோயான சருமவழல், சொறி/கரப்பான் நோயை உண்டாக்குகின்றன - பா. இச்டெரோபோரசு. இவை ஆச்துமா என அறியப்படும் ஈளநோய்/ஈழைநோயையும்; குருதிசெவ்வனு நலிவு (ஈசினோபீலியா) எனப்படும் நோயை உண்டாக்குகிறது. இதனால் வகை மிகையுணர்வூக்கம் தோற்றத்திற்கும் வழிகோறுகிறது.

காரணங்கள்

சூழ்நிலை மாற்றம் பயிர்களை எதிர்த்து வளரத்தூண்டுகிறது. இவைகளுக்கு இயற்கையாகவே கட்டுப்படுத்துவதற்கு இயற்கையெதிரி ஒன்று இயங்கி வரும் ஆனால் அவை இங்கு காணப்படாததால் தடையின்றி வளர்ச்சி. விழிப்புணர்ச்சி இன்மையால் மனிதன் இதுபோல் கொண்டு வந்த தாவரங்கள் சில வெங்காயத்தாமரை, முட்செடி ஆகியன.

அழிக்க வேண்டியதன் நோக்கம் மற்றும் முறைகள்:

இச்செடியை அழிப்பது கட்டாயமாகும். ஏனெனில் இவை விளைநிலங்களையும் வளிமண்டலத்தையும் பெறிதும் மாசுபடுத்துகின்றன. இயற்கையான பல தாவரங்களை அழிப்பதோடு மட்டுமல்லாமல் அவ்வினமே அழிவதற்கு பெருங்காரணமாய்த் திகழ்கின்றன. இவைகளை அழிக்கச் செடிகளைப் பிடுங்கிப் பள்ளத்தில் இட்டு உப்புக்கரைசல் அல்லது காமாக்சின் (எறும்பு மருந்தாகவும் பயன்படுகிறது) என்னும் வேதிப்பொருளை இட்டு குழிகளை மூடுவதன் மூலம் இக்களைகளை நாமழிக்கமுடியும்.

ஒரேயடியாக அழிப்பதென்பது சாத்தியமில்லா ஒன்று ஆகையால் இவைகளை தழைச்சத்தாக பயிர்களுக்கு இடுவதன் மூலமும் இவைகளைக் கட்டுப்படுத்தமுடியும்.

(iii)ஆகாயத்தாமரை:

தீமைகள்

குடிநீர் மற்றும் பாசனக் குழாய்களுக்குச் செல்லும் நீரின் அளவை இவற்றின் வேர்கள் மட்டுப்படுத்துவதால் நீர் இறைக்கும் நேரமும், செலவும் அதிகரிக்கிறது. கோடையில் இலைகளின் வழியான நீராவிப் போக்கு வழக்கத்தைவிட அதிகமாக இருப்பதால் நீரின் அளவு வெகுவிரைவில் குறையும். அடர்ந்த புதர்போலப் பரவியிருக்கும் இச்செடிகள் சூரிய ஒளி நீரினுள் ஊடுருவுவதற்குத் தடையாக இருப்பதால் அந்நீரில் வாழும் மற்ற தாவரங்களின் வளர்ச்சியைத் தடுக்கிறது. இறந்து மட்கும் இத்தாவரத்தால் நீரிலுள்ள ஆக்ஸிசன் போய் நீர் மாசடைவதுடன் தேங்கவும் செய்கிறது. நீர் மற்றும் நீர்-நிலவாழ் உயிர்களின் நடமாட்டம் மற்றும் இனப்பெருக்கத்திற்கு இச்செடிகள் பெரிய இடையூறுதான். இச்செடிகளினூடே நீர் அருந்துவது கால்நடைகளுக்கு பெரிய பிரச்சனை; சிலசமயம் அவை அவற்றில் மாட்டிக்கொண்டு மூழ்கிவிடும் அபாயமும் இருக்கிறது.

கொசுக்கள் உற்பத்தி மற்றும் அதன் இனப்பெருக்கத்திற்கு நல்ல சூழ்நிலையை ஏற்படுத்தி கொடுக்கின்றது. வெள்ளக் காலங்களில் இவற்றால் சேதம் அதிகரிக்கவும் வாய்ப்புண்டு. பெரும் பரப்பில் வியாபித்திருக்கும் இச்செடிகள் படகுப் போக்குவரத்து, மீன் பிடிப்பு போன்றவற்றைப் பெரிதும் பாதிக்கிறது. மேலும், நீர்வெளியின் இயற்கையான அழகை மாற்றுவதுடன் அப்பகுதிவாழ் தாவரங்கள், விலங்குகள் மற்றும் பறவைகளை வேற்றிடம் தேடிச்செல்லச் செய்கிறது.

தடுப்புமுறை

இது உலகெங்கும் உள்ள பெரிய பிரச்சனையாக இருப்பதால் பல்வேறு வகையான தடுப்பு மற்றும் கட்டுப்பாட்டு நடவடிக்கைகள் முயற்சிக்கப்பட்டும் நடைமுறையிலும் உள்ளன. வேதிக் களைக் கொல்லிகளைப் பயன்படுத்துவதின் மூலம் இவைகளை அகற்றமுடியும். ஆனால் இவை நீரில் வளரக்கூடிய தாவரமாகையால் இவை நீர்நிலைகளில் பாதிப்பு மிகுதியாகும் வாய்ப்பு உள்ளது.

விவசாயம்: நீரில் மூழ்கினாலும், அழுகாத புதிய நெல்!

 நீரில், 12 நாட்கள் வரை மூழ்கினாலும், அழுகாத புதிய நெல் ரகத்தை கண்டுபிடித்த, பேராசிரியர் கதிரேசன்: நான், அண்ணாமலை பல்கலை கழகத்தில், பேராசிரியராகவும், உழவியல் துறை தலைவராகவும் பணியாற்றுகிறேன். நம் முன்னோர், பல ஆண்டுகளாக மூன்று போகம் பயிரிட்டு, லாபத்தில் விவசாயம் செய்தனர். ஆனால், தற்போது வறட்சி காரணமாக, வடகிழக்கு பருவ மழையை மட்டுமே நம்பி, விவசாயம் செய்கின்றனர். வறட்சி இருந்தாலும், சில சமயங்களில் அதிக மழை பொழிந்து, பயிர் முற்றிலும் நீரில் மூழ்கி, பலத்த நஷ்டமடைகின்றனர். இப்பிரச்னைக்கு தீர்வு காண, அண்ணாமலை பல்கலை கழக உழவியல் துறையும், பிலிப்பைன்சில் உள்ள நெல் ஆராய்ச்சி மையமும் இணைந்து, நீரினுள் நெற் பயிர் மூழ்கியிருந்தாலும், பல நாட்களுக்கு அழுகாமல் வளரக்கூடிய, புது ரக நெல்லை உருவாக்க முயற்சித்தோம். 'பொன்மணி' எனும், சி.ஆர்.1009 மற்றும் ஐ.ஆர்.40931 ஆகிய நெல் வகைகளை, மரபணு மாற்றம் செய்து, அதிலிருந்து புது ரக நெல்லை உருவாக்கி, 'சிகப்பி நெல்' என, பெயரிட்டோம்.

          மரபணு மாற்றத்தால், சில சமயங்களில் தீங்கு ஏற்பட வாய்ப்பு உள்ளது. எனவே, மனிதர்களுக்கு தீங்கு ஏற்படுத்தாத, 'மார்க்கர் அசிஸ்டட் செலக் ஷன் டெக்னிக்' தொழில்நுட்பத்தில், சிகப்பி நெல்லை உருவாக்கினோம். சாதாரணமாக, 1 ஹெக்டேரில், 5.2 டன் வரை நெல் அறுவடை செய்யலாம். நெற்பயிர், 10 முதல், 12 நாட்கள் வரை நீரில் மூழ்கி இருந்தாலும், பயிர் அழுகாமல், ஹெக்டேருக்கு குறைந்தது, 3.4 டன் அறுவடை செய்யலாம். சிகப்பி நெல்லை பயிரிடுவதன் மூலம், பலத்த மழையில் நெற்பயிர் மூழ்கினாலும், பெருத்த நஷ்டத்தை தவிர்ப்பதுடன், குறைந்தபட்ச லாபத்தை பெற முடியும். மேலும், 154 நாட்களுக்குள் அறுவடைக்கு தயாராகும் சிகப்பி நெல், சம்பா பருவத்திற்கு உகந்தது. நடுத்தர குட்டை உயரம், காற்றடித்தாலும் சாயாத தன்மை உடைய சிகப்பி நெல்லை, இட்லி, தோசை தயாரிப்பதற்கு பயன்படுத்தலாம். தற்போது, அண்ணாமலை பல்கலை சார்பில், சிகப்பி ரக நெல் விதை, இலவசமாக வழங்கப்படுகிறது. தொடர்புக்கு: 04144- 239816

பசுமைப் புரட்சியை கைவிட்டே ஆகவேண்டும்!

A-AA+ பசுமைப் புரட்சியை கைவிட்டே ஆகவேண்டும்! Posted Date : 13:06 (17/02/2014)Last updated : 13:54 (17/02/2014) (பசுமை விகடன்: 10.03.2008) தமிழக அரசு தடாலடி முடிவு... அரசு செயலர் அதிரடி பேட்டி! - ஜெ.வடிவேல் இன்றைய விவசாயத்தின் பிரச்னை சந்தைப்படுத்துவதில் இல்லை. தற்போது நாம் கடைபிடித்து வரும் விவசாய தொழில்நுட்ப முறைகளில்தான் இருக்கின்றது. 'பசுமைப் புரட்சி’ என்று சொல்லிச் சொல்லியே அடிப்படையில் பல்வேறு தவறுகளை நாம் செய்துவிட்டோம். 'பசுமைப் புரட்சி' என்று வேளாண் விஞ்ஞானி எம்.எஸ்.சுவாமிநாதன் சொல்லிக் கொண்டிருப்பதெல்லாம் இந்தக் காலத்துக்கு சரிப்பட்டு வராத விஷயங்கள்தான். அவையெல்லாம் நம்பமுடியாதவையே...'' - இப்படி அதிரடியாக போட்டுத் தாக்கியிருக்கிறார் தமிழக வேளாண்துறை செயலாளர் சுர்ஜித் கே.சௌத்ரி ஐ.ஏ.எஸ். ஏதோ ஒரு அறைக்குள்ளே உட்கார்ந்து கொண்டு இதை அவர் வெளிப்படுத்தவில்லை... பிப்ரவரி 15-ம் தேதியன்று சென்னையில் ஏ.பி.எம்.சி. (Agriculture Produce Marketing Committee) சார்பில் நடைபெற்ற கூட்டத்தில்தான் இப்படி பொளந்து கட்டினார் சௌத்ரி. 'இயற்கை வேளாண் விஞ்ஞானி' நம்மாழ்வார் போன்றவர்கள் கடந்த பல ஆண்டுகளாகவே 'பசுமைப் புரட்சி'யை நார்நாராகக் கிழித்துத் தொங்கப் போட்டுக் கொண்டிருக்கிறார்கள். ஆனால், அரசுத் தரப்பிலிருந்தோ... வேளாண் பல்கலைக்கழகத் தரப்பிலிருந்தோ இதைப் பற்றியெல்லாம் பெரிதாக அலட்டிக் கொள்வதில்லை. பெரும்பாலும் அதிகாரவர்க்கம் அனைத்துமே பசுமைப் புரட்சியை ஆதரித்துக்கொண்டுதான் இருக்கிறது. இத்தகைய சூழலில், அரசுத் தரப்பிலிருந்து... அதுவும் தமிழக வேளாண்துறையின் மிக உயரிய பொறுப்பிலிருந்து கொண்டு, சௌத்ரி பற்ற வைத்திருக்கும் இந்த நெருப்பு பலரையும் திரும்பிப் பார்க்க வைத்துள்ளது. சௌத்ரிக்கு என்னாச்சு... எதற்காக இந்த அதிரடி... அவரை இப்படி மாற வைத்தது எது...' என்றெல்லாம் பல்வேறு கேள்வி களோடு... சென்னை தலைமைச்செயலகத்திலி ருக்கும் அவருடைய அலுவலகத்துக்குச் சென்றோம். சிறிது நேர காத்திருப்புக்குப் பின் நம்மை அழைத்  தவரிடம் சரமாரியாக கேள்விகளைத் தொடுத்தோம். ''யாரும் எதிர்பார்க்காத நேரத்தில் திடீர் என்று இப்படி சீறிக் கிளம்பிவிட்டீர்களே..?'' ''யாரும் எதிர்பார்க்காத நேரமல்ல... ஒவ்வொரு விவசாயியும் 'நமக்கு ஒரு நல்லது நடக்காதா’ என்று ஆவலோடு காத்துக்கொண்டிருக்கும் நேரம்தான். இப்படிப்பட்ட சூழலில் 'பசுமைப் புரட்சி... சிவப்புப் புரட்சி' என்பதெல்லாம் நடக்காத காரியம். இருபது, முப்பது ஆண்டுகளுக்கு முன்பு இந்த 'பசுமைப் புரட்சி' எடுபட்டிருக்கும். ஆனால், இன்றைக்கு முழுக்க முழுக்க நம் நாட்டுக்கு சரிப்பட்டுவராத ஒன்றாகிவிட்டது பசுமைப் புரட்சி. ஒரு குழந்தைக்கு உடல்நிலை சரியில்லை என்றால் என்ன செய்வோம்..? ஜுரத்துக்கான மருந்தைக் கொஞ்சம் கொஞ்சமாகக் கொடுப்போம். அப்படியும் சரியாகவில்லை என்றால் 'ஆன்ட்டி செப்டிக்’ மருந்துகளைப் போடுவோம். எல்லாவற் றையும் பார்த்துப் பார்த்து அளவோடுதான் செய்வோம். அளவுக்கு மிஞ்சினால் குழந்தையின் உடல்நிலை தாங்காது. அதேபோல இந்த மண்ணும் குழந்தைதான். தேவையான அளவுக்குதான் உரத்தைப் போட வேண்டும். ஆனால், 'பசுமைப் புரட்சி' என்ற பெயரால் உரத்தை அளவுக்கு அதிகமாகக் கொட்டி, கொட்டி இன்றைக்கு நிலத்தைக் கெடுத்து வைத்திருக்கிறோம். இந்த மண்ணானது நோயாளியாகிவிட்டது. ஆஸ்திரேலியா போன்ற நாடுகளுக்கு சென்று, அங்கே இருக்கும் விவசாய முறைகளைப் பார்த்த பிறகுதான், தாய் மண்ணை நாம் எப்படியெல்லாம் தண்டித்துக் கொண்டிருக்கிறோம் என்பது எனக்குப் புரிந்தது. நம் நாட்டின் 'தலைசிறந்த வேளாண் விஞ்ஞானி' என்று சொல்லப்படும் எம்.எஸ்.சுவாமிநாதன், அடிக்கடி பல வெளிநாடுகளுக்கு போகிறார். அங்கு நடக்கும் விவசாய முறைகளைப் பார்க்கிறார். ஆனால், ஒரு முறையாவது 'நாம் தவறான பாதையில் பயணம் செய்கிறோம்’ என்பதை உணர்ந்தாரா என்று தெரிய வில்லை..? நம் நாட்டை ஒப்பிடும்போது, வெளி நாடுகளில் புதுப்புது முறைகளில் பல மடங்கு மகசூலை வாரிக்குவித்துக் கொண்டிருக்கிறார்கள். 'அங்கு நடப்பது என்ன தொழில்நுட்பம் என்பதை தெரிந்துகொண்டு... அந்த முறைகளை நாமும் செய்தால் விவசாயத்தில் தன்னிறைவு அடையலாம்’ என்று நம் அரசுக்கு எடுத்துச் சொல்லி இருக்க லாமே. ஆனால், நமக்கு எது தேவை யில்லையோ அதைத்தான் சொல்லிக் கொண்டிருக்கிறார் சுவாமிநாதன். பசுமைப் புரட்சி பற்றிய என்னுடைய கருத்தை அன்றைய தினம் மேடையில் ஒலித்தபோது, 'அவசியமான ஒரு கருத்தை, சரியான நேரத்தில் சொல்லி இருக்கிறீர்கள்’ என்று என்னிடம் சொன்னார் மேடையிலிருந்த நாடாளு மன்ற உறுப்பினர் சரத் ஜோஷி. பக்கத்து மாநிலமான கேரளாவில் முழுக்க இயற்கை முறை விவசாயத்துக்கு மாறப்போவதாக அறிவித்திருக் கிறார்கள். அப்படிப்பட்ட சூழலில் நாம் மட்டும் பசுமைப் புரட்சியையே தொடர்ந்து நம்பிக் கொண்டிருந்தால், நம் விவசாயிகள் இன்னும் அதலபாதாளத்துக்குதான் போகநேரிடும். அவர்களை ஆபத்தில் இருந்து காப்பாற்ற நம் விவசாயத்தில் ஒரு மாபெரும் மாற்றம் தேவை.'' ''மாற்றத்துக்கான திட்டங்கள் என்று எதையாவது தீட்டி வைத்திருக்கிறீர்களா?'' ''அறிவியல் சார்ந்த விவசா யமும், இயற்கை விவசாயமும்தான் அந்த மாற்று! ஒரு பக்கம் அறிவியல் சார்ந்த முறையிலும், இன்னொரு பக்கம் இயற்கை முறையிலும் விவசாயம் செய் தால்தான் தற்போதைய நிலை மையில் இருந்து மீள வாய்ப் புள்ளது. சில மாதங்களுக்கு முன்பு தமிழகத்தில் திருந்திய நெல் சாகுபடி (ஒற்றை நாற்று நடவு) முறையை நம் அரசு தீவிரமாக அமல் படுத்தியது. ஒரு ஏக்கரில் பத்து டன் மகசூல் கிடைத்தது. வழக் கமான முறையில் ஏறக்குறைய நான்கு டன் மகசூல்தான் கிடைக் கும். அதேசமயம் செலவு அதிகம். ஆனால், திருந்திய நெல் சாகு படியில் அதிக செலவில்லை. உரத் துக்காக பணத்தைக் கொட்ட வேண்டியதில்லை. மகசூலோ அதிகம். கரும்பில் குழி நடவு முறை மூலம் ஒரு ஏக்கருக்கு 120 டன் வரை மகசூல் எடுக்க வைத்திருக்கிறோம். ஆனால், 'பசுமைப் புரட்சி'யில் திரும்பத் திரும்ப, 'தண்ணி ஊத்து, உரம் போடு’ என்று விவசாயி களை ஒரு வழிக்கு கொண்டு வந்துவிடுவார்கள். இத்தகைய சாகுபடிச் செலவுகள்தான் விவசாயி களை பெரும் துன்பத்தில் ஆழ்த்தக்கூடியது. நீர்ப்பாசன முறையிலும் மாற்றம் தேவை. சொட்டுநீர் பாசனம் மாதிரியான முறைகளை மக்கள் கையிலெடுக்க வேண்டும். உரத்துக்காக செலவு செய்வதற்கு பதில் பயோ-கம்போஸ்ட் எனப்படும் இயற்கை உயிர் உரங்களைத் தயாரிக் கலாம். விவசாயிகளுக்கு நம்பிக்கைத் தரக்கூடிய இதுபோன்ற முறைகளை நாட்டின் தலைசிறந்த வேளாண் விஞ்ஞானிகள் என்று சொல்லிக் கொள்பவர்கள்தான் இவற்றை அறிமுகப்படுத்த வேண்டும். அவர்கள் செய்யவில்லை... அதனால் நாங்கள் செய்து கொண்டிருக்கிறோம்.'' ''இந்த மாற்றத்தை விவசாயிகள் ஏற்றுக் கொள்வார்களா..?'' ''கண்டிப்பாக ஏற்றுக் கொண்டுதான் ஆகவேண்டும். நீங்கள் விவசாயம் செய்தால் உரச்செலவு, மருந்து செலவு என்று பணத்தைக் கொட்டி... குறைந் தளவு வருமானம் கிடைத்தால், அந்த விவசாயத்தையே தொடர்ந்து செய்து கொண்டிருப்பீர்களா..? இன்றைக்கு நம் விவசாயிகள் அதைத்தான் செய்து கொண்டி ருக்கிறார்கள். அவர்களின் வாழ்க் கைத் தரமும் உயர வேண்டாமா..? பசுமைப் புரட்சியில் இருந்து வெளியேறி, புதிய முறைகளை பயன்படுத்த தொடங்கிவிட்டாலே அவர்களின் தரம் உயர்ந்துவிடும். பசுமைப் புரட்சி என்ற பெயரில், உரத்துக்கான மானியத் தொகையாக ஆயிரக்கணக்கான கோடி ரூபாய்களை ஓதுக்கிக் கொண்டிருக்கிறோம். ஆனால், இன்னொருபுறம் தற்கொலைகள் நடந்து கொண்டிருக்கிறது. இந்த நிலைகள் மாற வேண்டும் என்றால் பசுமைப் புரட்சியை கைவிட்டே ஆகவேண்டும்.'' ''உங்களுக்கு நம் அரசின் ஆதரவு இருக்கிறதா?'' ''மிகப்பெரிய மாற்றத்தை அரசின் உதவி இல்லாமல் கொண்டு வரவே முடியாது. திருந்திய நெல் சாகுபடி முறையைக் கொண்டு வர முதல்வரும், வேளாண் அமைச்சரும் முக்கிய ஊக்கமாக இருந்தார்கள். அதேபோல் தற்போது நடந்து கொண்டிருக்கும் விவசாயத்தின் சாதக, பாதகங்கள் அவர்களுக்கும் தெரியும். அதனால்தான் நாங்கள் முன்னெடுக்க இருக்கும் மாற்றங்களையும் ஆதரிக்கிறார்கள்.'' ''அப்படியென்றால், விரைவில் வரப்போகும் தமிழக பட்ஜெட்டில் இது தொடர்பாக ஏதாவது அறிவிப்புகள் இருக்குமா..? ''பட்ஜெட்டு சமர்ப்பிக்கபடுவதற்கு முன்பாக அதைப்பற்றி நான் எதையும் கூறமுடியாது. ஆனால், தமிழக அளவில் விவசாயத்துறையிலும் விவசாயத்திலும் மிகப்பெரிய மாற்றம் வரப்போ கிறது. அந்த மாற்றம் விவசாயிகள் மேம்படக்கூடிய... அவர்களின் வாழ்க்கைத் தரத்தை உயர்த்தக்கூடிய வகையில் இருக்கும் என்பது நிச்சயம். அதற்கான அறிவிப்புகள் விரைவில் வெளிவரும்'' என்று அழுத்தம் திருத்தமாகச் சொல்லி விடைகொடுத்தார் சௌத்ரி.